KEUBEU GEULANGGANG

Lam ulè keubeu geulanggang, umpeun beujai, inöng beuna, tôh èk jeut ateuh tumpôk awai, kabéh peukara. 

Keubeu kayém geugamba lam calitra ureueng awai. Lam mandum calitra, keubeu hantom na geupeuduk keu aneuk muda. Hana tom jeut keu bandét. Keubeu sabé-sabé geupeuduk lam neuduk seubagoe meulatang ngeut ujông, kayém bulut surat, teuga meuröt, dan teuga meu'u. 

Keubeu hanjeut tatanyong peundapat. Bak jih hana akai keu seumiké. Bak keubeu tayu laju but. Ijih model tajôk peurintah. Tayu tarék balok, jitarék balok, tayu kôk langai, jikôk langai. Tayu awih ureueng, ji awih. 

Meulatang meulungkè cit lazém jipeugöt keu meulatang peupök dari jameun. Makajih di Aceh na acara peupok kamèng, peupök leumo, dan peupök keubeu. Han tom tadeungo na acara peupök guda, peupök bui, peupök gajah. Pulom peupök asè. Asè jitém jak pap asè laén daripada jijak meukap lam geulanggang sabé droe jih. 

Bui adak hareum hana bangai. Ijih lun agai bacut. Asai tatém lét teutap jitém plueng. Tapi meunyo kalheuh keunöng leumbéng meusigoe dan bui nyan hana maté, préh beh. Soe nyang jitumé jirungkhom. 

Tagisa lom bhah keubeu. Pakön ureueng kaya dilè mandum geutém peularha keubeu? Wab jai syafaat nyang jeut geutung. Geulanto moto geurubak, geulantoe moto mu'u, dan nyoe nyang keubeu banget, jeut geuba u geulanggang. Geupeupök ngön keubeu laén. Po po keubeu duk binèh geulanggang sira p'ip rukok, jép ie tubè, dan pajôh boh bie teureubôh lawök ngön u. 

Soe mantöng nyang talô, hana beungèh-beungèh. Keubeu jeut mita laén. Keubeu sabé na lam peukan. Tapi nyoe ureueng rayek sabé ureueng rayek meuantôk, hansép yum keubeu bak peugöt damè. 

#kerbau

#Bahasa Aceh

#Calitra yahshiek

@ersalingga